კოლეჯი „10X“ აფართოებს საგანმანათლებლო ჰორიზონტს! ჩვენ ვიწყებთ “კულინარიის ხელოვნების” პროფესიული პროგრამის

განხორციელებას და ვეძებთ ენერგიულ, გამოცდილ პროფესიონალებს, რომლებსაც სურთ საკუთარი გამოცდილება მომავალ

კულინარებს გაუზიარონ.
ვაკანსია გულისხმობს ფიზიკურ დასწრებას და პრაქტიკულ მუშაობას ქ. ბათუმში, კოლეჯის თანამედროვე სასწავლო

მაღალტექნოლოგიურ სამზარეულოში.

სამუშაო პირობები

• ადგილმდებარეობა: ქ. ბათუმი;
• გრაფიკი: მოქნილი (შეთანხმებით);
• ანაზღაურება: ინდივიდუალური (კვალიფიკაციისა და დატვირთვის მიხედვით).
• სასწავლო მოდულები (პრაქტიკული მიმართულება)

თქვენ გაუძღვებით შემდეგ პრაქტიკულ მოდულებს:

• სამზარეულოს ფუნქციონირება და კულინარიული ხელოვნება;
• ჰიგიენა და სანიტარული ნორმები (HACCP სტანდარტები);
• კერძების მომზადების ტექნოლოგია;
• ქართული სამზარეულო (ცივი კერძები, საუზმეული და ძირითადი კერძები);
• კულინარიული მინი ნაწარმი;
• საერთაშორისო სამზარეულოს პოპულარული კერძები.

ძირითადი მოვალეობები

• სტუდენტებისთვის პრაქტიკული და თეორიული მეცადინეობების ჩატარება;
• სასწავლო მასალების მომზადება და სტანდარტების დაცვა;
• სტუდენტების შეფასება და მათი პროფესიული განვითარების მხარდაჭერა;
• სასწავლო პროცესში ხარისხისა და უსაფრთხოების კონტროლი.

საკვალიფიკაციო მოთხოვნები

• განათლება კულინარიის, კვების ტექნოლოგიების ან მომიჯნავე მიმართულებით ან მინიმუმ 3 წლიანი პრაქტიკული სამუშაო გამოცდილება;
• სხვადასხვა კულინარიული მიმართულების (ქართული, საერთაშორისო სამზარეულო) პრაქტიკული ცოდნა და გამოცდილება;
• სურსათის უვნებლობის საერთაშორისო სტანდარტების (HACCP, GHP) ცოდნა;
• სამზარეულოს ფუნქციონირების, ინვენტარისა და მანქანა-დანადგარების გამოყენების პრაქტიკული გამოცდილება;
• სწავლების ან მენტორობის გამოცდილება ჩაითვლება უპირატესობად.

პიროვნული მახასიათებლები:

• პასუხისმგებლიანობა და ორგანიზებულობა;
• სტუდენტების პრაქტიკული უნარების განვითარების მოტივაცია;
• კარგი კომუნიკაციისა და დემონსტრირების უნარები;
• გუნდური მუშაობისა და სიახლეების ათვისების უნარი.

შერჩევის ეტაპები და ვადები:
მოთხოვნილი დოკუმენტაციის ელექტრონული ფორმით გამოგზავნა შემდეგ მისამართზე: Admissions@10x.edu.ge, 22 მაისის ჩათვლით;
აპლიკაციები განიხილება მიღებისთანავე;
შერჩეულ კანდიდატებთან დაკავშირება და გასაუბრების პროცესი განხორციელდება ეტაპობრივად.

ვაკანტურ პოზიციაზე წარმოსადგენი დოკუმენტები:
რეზიუმე (CV);
განათლების დამადასტურებელი დოკუმენტი (დიპლომი) ან/და სამუშაო გამოცდილების დამადასტურებელი დოკუმენტი;
შენიშვნა: გთხოვთ, სათაურის (Subject) ველში მიუთითოთ: „კულინარიის ხელოვნება - on-site”