საქართველოს საპატრიარქოს წმიდა კეთილმსახური მეფე თამარის სახელობის სკოლა-პანსიონი

ა(ა)იპ საქართველოს საპატრიარქოს წმიდა კეთილმსახური
მეფე თამარის სახელობის სკოლა-პანსიონი
პირველი სახელობო და სახელოვნებო
სასწავლებელი საქართველოში

თბილისი, სამღერეთის ქ. #13

საქართველოს პრეზიდენტის 2009 წლის 24 ივნისის # 430 განკარგულებით საქართველოს საპატრიარქოს საკუთრებაში გადმოეცა ყოფილი რესპუბლიკური მუსიკალური სკოლა-ინტერნატის შენობა-ნაგებობები. მასზე დამაგრებული მიწის ნაკვეთითა და მოძრავი ქონებით.

2009 წლის 2 ივლისს სრულიად საქართველოს კათოლიკოს პატრიარქის, უწმინდედისა და უნეტარესის ილია II-ის ლოცვა კურთხევით დაფუძნდა ა(ა)იპ ასარკომერციული (არასამეწარმეო) იურიდიული პირი წმიდა კეთილმსახური მეფე თამარის სახელობის სკოლა-პანსიონი და სკოლა-პანსიონის დირექტორად დაინიშნა დეკანოზი მირიან სამხარაძე.

წესდებით განისაზღვრა სკოლა-პანსიონის ძირითადი მიზნები:
- ზოგადი განათლების მიცემა მოსწავლეთათვის დაწყებით, საბაზო, საშუალო საფეხურებზე;
- სახელობო და სახელოვნებო განათლება;
- შემოქმედებითი ნიჭით დაჯილდოებულ საქართველოსა და უცხოეთის ქვეყნებში მცხოვრები ქართველი ბავშვებისათვის მუსიკალური (ფორტეპიანო, საორკესტრო, ხალხური საკრავები, ხალხური საგუნდო და საეკლესიო გალობა) და სახვითი და გამოყენებითი ხელოვნების (ფერწერა, ხატწერა, თექა, გობელენი, ქსოვა, ქარგვა, მინანქარი, ხეზე კვეთა, ხის დამუშავება, კერამიკა, ქვაზე კვეთა, ლითონის ნაკეთობათა დამუშავება, ჭედურობა, ოქრომჭდლობა) სპეციალობებში შესაბამისი სახელობო და სახელოვნებო განათლების მიცემა.
- მოსწავლეების აღზრდა ეროვნულ-კულტურულ და ტრადიციული ღირებულებების შესაბამისად.
- ხალხური რეწვისა და გამოყენებითი ხელოვნების ძლიერი საგანმანათლებლო-სამეცნიერო ცენტრის შექმნა და ტრადიციული სახელობო დარგების აღოძინება;
- კადრების მომზადება სახელოვნებო და ჩვენი წინაპრების მემკვიდრეობით მიღებულ ძირძველ ტრადიციულ სახელობო სპეციალობებში;
- საქართველოს რეგიონებიდან და უცხოეთიდან ჩარიცხულ მოსწავლეთა უზრუნველყოფა სადღეღამისო პანსიონში ცხოვრებითა და კვებით;
- სკოლამდელი აღზრდა;
- საგამომცემლო საქმიანობა;